ആലപ്പുഴ: സംസ്ഥാന സ്കൂള് ശാസ്ത്രോത്സവം നടക്കുന്നതിനാൽ ആലപ്പുഴ മുനിസിപ്പാലിറ്റിയുടെ കീഴിലുള്ള എല്ലാ സ്‌കൂളുകള്‍ക്കും അവധി പ്രഖ്യാപിച്ചു. നവംബര്‍ 15,18 തീയതികളിലാണ് സ്‌കൂളുകള്‍ക്ക് ആലപ്പുഴ മുനിസിപ്പാലിറ്റി അവധി പ്രഖ്യാപിച്ചത്.
നേരത്തെ ശാസ്ത്രോത്സവത്തിൽ എത്തുന്നവര്‍ക്കായി താമസസൗകര്യം ഏർപ്പെടുത്തിയ സ്‌കൂളുകൾക്കും വാഹനം വിട്ടു നൽകിയ സ്‌കൂളുകൾക്കും അവധി പ്രഖ്യാപിച്ചിരുന്നു.
ഇതോടെ ആലപ്പുഴ ജില്ലയില്‍ മേള നടക്കുന്ന സ്‌കൂളുകള്‍ക്കും താമസ സൗകര്യം ഏര്‍പ്പെടുത്തിയ സ്‌കൂളുകള്‍ക്കും ഉള്‍പ്പെടെ 27 സ്‌കൂളുകള്‍ക്കും വാഹനം വിട്ടു നൽകുന്ന 6 സിബിഎസ്‍ഇ സ്‌കൂളുകള്‍ക്കുമാണ് നവംബര്‍ 15,18 തീയതികളിൽ ആലപ്പുഴ ജില്ലാ കളക്ടര്‍ അവധി പ്രഖ്യാപിച്ചത്.