പാലക്കാട്: വ്യാജരേഖ കേസിൽ അറസ്റ്റിലായ കെ. വിദ്യയെ ജൂലൈ ആറുവരെ റിമാൻഡ് ചെയ്തു. രണ്ടു ദിവസത്തേക്ക് പൊലീസ് കസ്റ്റഡിയിൽ വിട്ടിരിക്കുകയാണ്. ജാമ്യാപേക്ഷ ഈ മാസം 26 നാണ് പരിഗണിക്കുക. മണ്ണാർക്കാട് മുൻസിഫ് കോടതിയുടേതാണ് ഉത്തരവ്.
ബുധനാഴ്ച്ച രാത്രിയാണ് വിദ്യയെ പൊലീസ് അറസ്റ്റ് ചെയ്യുന്നത്. വൈദ്യ പരിശോധനയ്ക്കു ശേഷമാണ് കോടതിയിൽ ഹാജരാക്കിയത്. തനിക്കെതിരേ കെട്ടിചമച്ച കേസാണിതെന്നും ഇതിനു പിന്നിൽ അട്ടപ്പാടി കോളെജ് അധികൃതരാണെന്നുമാണ് വിദ്യയുടെ വാദം.