മലപ്പുറം: കരിപ്പൂർ വിമാനത്താവളത്തിൽ വന്‍ സ്വർണവേട്ട. മൂന്ന് വ്യത്യസ്ത കേസുകളിലായി കടത്താന്‍ ശ്രമിച്ച 1.8 കോടിയുടെ സ്വർണം കസ്റ്റംസ് പിടികൂടി. ഇന്നലെയും ഇന്ന് രാവിലെയുമായി നടന്ന സംഭവങ്ങളിൽ ശരീരത്തിൽ ഒളിപ്പിച്ചു കടത്താൻ ശ്രമിച്ച സ്വർണമാണ് പരിശോധനയിൽ കണ്ടെത്തിയത്.

മലപ്പുറം പുൽപറ്റ സ്വദേശി ഫാസിലിൽ നിന്ന് 1163 ഗ്രാം തൂക്കം വരുന്ന സ്വർണമിശ്രിതമടങ്ങിയ 4 ക്യാപ്സൂൾ, നെടിയിരിപ്പ് സ്വദേശി മുഹമ്മദ് ജാസിമിൽ നിന്ന് 1057 ഗ്രാം തൂക്കം വരുന്ന സ്വർണമിശ്രിതമടങ്ങിയ 4 ക്യാപ്സൂൾ, തൃപ്പനച്ചി സ്വദേശി സലീമിൽ നിന്ന് 1121 ഗ്രാം തൂക്കം വരുന്ന സ്വർണമിശ്രിതമടങ്ങിയ 4 ക്യാപ്സൂകളുമാണ് പിടിച്ചെടുത്തത്.