ന്യൂഡൽഹി: കേരള ഹൈക്കോടതിയിലേക്ക് അഞ്ച് ജുഡീഷ്യൽ ഓഫീസർമാരെ നിയമിക്കാൻ സുപ്രീംകോടതി കോളീജിയം ശുപാർശ ചെയ്തു. കൊല്ലം പ്രിൻസിപ്പൽ ജില്ലാ സെഷൻസ് ജഡ്ജ് എം.ബി. ഉൾപ്പെടെ 5 പേരെ നിയമിക്കാനാണ് ശുപാർശ.
എം.ബി സ്നേഹലതയ്ക്ക് പുറമെ ജോണ്സണ് ജോണ് (പ്രിന്സിപ്പല് ജില്ലാ സെഷന്സ് ജഡ്ജ് - കല്പ്പറ്റ), ജി. ഗിരീഷ് (പ്രിന്സിപ്പല് ജില്ലാ സെഷന്സ് ജഡ്ജ് - തൃശൂർ), സി. പ്രതീപ്കുമാര് (അഡീഷണല് ജില്ലാ സെഷന്സ് ജഡ്ജ് - എറണാകുളം), പി. കൃഷ്ണകുമാര് (രജിസ്ട്രാര് ജനറല് - ഹൈക്കോടതി) എന്നിവരെയും ഹൈക്കോടതി ജഡ്ജിമാരാക്കാൻ സുപ്രീം കോടതി കൊളീജിയം ശുപാർശ ചെയ്തു.
ചീഫ് ജസ്റ്റിസ് ഡി.വൈ. ചന്ദ്രചൂഢ്, ജസ്റ്റിസുമാരായ സഞ്ജയ് കിഷൻ കൗൾ, സഞ്ജീവ് ഖന്ന എന്നിവരടങ്ങിയ സുപ്രീംകോടതി കോളീജിയത്തിന്റേതാണ് ശുപാർശ.