തിരുവനന്തപുരം: നിയമസഭ സംഘർഷത്തിൽ കൈക്ക് പരിക്കേറ്റപ്പോൾ അപകീർത്തിപ്പെടുത്തുന്ന തരത്തിൽ സമൂഹ മാധ്യമങ്ങളിലും മുഖ്യധാര മാധ്യമങ്ങളിലും പ്രചാരണം നടത്തിയെന്ന സംഭവത്തിൽ സിപിഎം സംസ്ഥാന സെക്രട്ടറി എം വി ഗോവിന്ദൻ, ദേശാഭിമാനി പത്രം, എം എൽ എ സച്ചിൻദേവ് എന്നിവർക്കെതിരെ കെ കെ രമയുടെ വക്കീൽ നേട്ടീസ്.

നോട്ടീസ് ലഭിച്ച് 15 ദിവസത്തിനകം മറുപടി നൽകുകയോ പരസ്യമായി മാപ്പു പറയുകയോ ചെയ്തില്ലെങ്കിൽ ഒരു കോടി രൂപയുടെ മാനനഷ്ടക്കേസും ക്രിമിനൽ കേസും ഫയൽചെയ്യുമെന്നാണ് നോട്ടീസിലുള്ളത്. അഡ്വ. പി കുമാരൻ കുട്ടി മുഖേനയാണ് നോട്ടീസ് അയച്ചിരിക്കുന്നത്.