കോഴിക്കോട്: കോഴിക്കോട് നിപ വൈറസ് ബാധിച്ച് മരിച്ച ആദ്യത്തെ ആളുടെ റൂട്ട് മാപ്പ് പുറത്തു വിട്ടു. കുറ്റ്യാടി മരുതോങ്കര കള്ളാട് എടവലത്ത് മുഹമ്മദിന്‍റെ (48) റൂട്ടുമാപ്പാണ് ആരോഗ്യ വകുപ്പ് പുറത്തുവിട്ടത്.

• ഓഗസ്റ്റ് 22 നാണ് രോഗലക്ഷണങ്ങൾ കാണുന്നത്

• 23 ന് തിരുവള്ളൂർ കുടുംബ ചടങ്ങിൽ പങ്കെടുത്തു

• ഓഗസ്റ്റ് 25 ന് മുള്ളൂർ കുന്ന് ഗ്രാമീണ ബാങ്കിലും കള്ളാട് ജുമാ മസ്ജിദിലും എത്തി

• ഓഗസ്റ്റ് 26 ന് കുറ്റ്യാടി ക്ലിനിക്കിലെത്തി ഡോക്‌ടറെ കണ്ടു

• 28 ന് തൊട്ടിൽ പാലത്തെ ആശുപത്രിയിൽ പ്രവേശിപ്പിച്ചു

• ഓഗസ്റ്റ് 29 ന് ആബുലൻസിൽ കോഴിക്കോട്ടെ ആശുപത്രിയിലേക്ക്

• ഓഗസ്റ്റ് 30 ന് മരണം

രോഗത്തിന്‍റെ ഉറവിടം കണ്ടെത്താൻ മെഡിക്കൽ സംഘം പറമ്പിൽ നിന്നും അടയ്ക്ക ശേഖരിച്ചു. അതിനിടെ കോഴിക്കോട് 2 ആരോഗ്യ പ്രവർത്തകർക്കും നിപ ലക്ഷണങ്ങൾ കണ്ടെത്തി. സ്വകാര്യ ആശുപത്രിയിലെ ആരോഗ്യ പ്രവർത്തകർക്കാണ് രോഗ ലക്ഷണങ്ങൾ കണ്ടെത്തിയത്. ഇവരുടെ സ്രവ സാംപിൾ പരിശോധനയ്ക്ക് അയച്ചു.