തൃശൂർ: തൃശൂർ കോൺഗ്രസ് കൗൺസിലർ ലാലി ജെയിംസിനെ കോൺഗ്രസിൽ തിരിച്ചെടുക്കാൻ തീരുമാനം. വിവാദ പരാമർശങ്ങളിൽ ലാലി ഖേദം പ്രകടിപ്പിച്ച് കെപിസിസിക്ക് മാപ്പ് എഴുതി നൽകിയതിനു പിന്നാലെയാണ് നടപടി. നിയമസഭാ തെരഞ്ഞെടുപ്പിന് മുന്നോടിയായി ലാലിനെ തിരിച്ചെടുക്കാനാണ് നീക്കം.

തൃശൂർ കോർപ്പറേഷൻ മേയർ സ്ഥാനം നിജി ജസ്റ്റിന് നൽകിയത് പണം വാങ്ങിയിട്ടായിരുന്നെന്നായിരുന്നു ലാലിയുടെ ആരോപണം. പണം നൽകാത്തതിനാലാണ് തനിക്ക് സ്ഥാനം ലഭിക്കാതെ പോയതെന്നും ലാലി അവകാശപ്പെട്ടിരുന്നു. പിന്നാലെയാണ് ലാലിയെ പാർട്ടിയിൽ നിന്ന് പുറത്താക്കിയത്.