മലപ്പുറം: കുതിച്ചു പായുന്ന വന്ദേഭാരത് എക്സ്പ്രസ് ട്രെയിനിനു മുന്നിലൂടെ പാളം മുറിച്ചു കടന്ന് വയോധികൻ. മലപ്പുറം തിരൂർ റെയിൽവേ സ്റ്റേഷനിലാണ് സംഭവം നടന്നത്. ഒറ്റപ്പാലം സ്വദേശിയാണ് സെക്കൻഡുകളുടെ വ്യത്യാസത്തിൽ പാളത്തിൽ നിന്ന് പ്ലാറ്റ്ഫോമിലേക്ക് ചാടിക്കയറി രക്ഷപ്പെട്ടത്.

തലനാരിഴയ്ക്കാണ് അപകടം ഒഴിവായത്. വയോധികൻ പാളം മുറിച്ചു കടക്കുന്ന വീഡിയോ സമൂഹമാധ്യമങ്ങളിൽ പ്രചരിക്കുകയാണ്. റെയിൽവേ സ്റ്റേഷനിൽ ഉണ്ടായിരുന്ന യാത്രക്കാരനാണ് ദൃശ്യങ്ങൾ പകർത്തിയത്.