കൊച്ചി: സംസ്ഥാന സർക്കാർ കയാണെന്ന് എൻജിഒ അസോസിയേഷൻ. ജീവനക്കാരുടെ ശമ്പളം പിടിച്ചെടുക്കാനും നീക്കം നടക്കുന്നതായി എൻജിഒ അസോസിയേഷൻ സംസ്ഥാന പ്രസിഡന്റ് ചവറ ജയകുമാർ ആരോപിച്ചു. സാലറി ചലഞ്ചിൽ മാത്രമാണ് സർക്കാരിനും ഇടതു സംഘടനകൾക്കും താൽപര്യമെന്നും അദ്ദേഹം കുറ്റപ്പെടുത്തി. നവീൻ ബാബുമാരെ സൃഷ്ടിക്കാനാണ് സർക്കാർ ശ്രമിക്കുന്നത്. ക്ഷാമബത്ത മൂന്ന് വർഷമായി കുടിശികയാണ്. പുതുതലമുറയ്ക്ക് സർക്കാർ സർവീസിനോട് വിമുഖതയുണ്ടാകാൻ കാരണം സംസ്ഥാന സർക്കാരാണ്. സിവിൽ സർവീസ് മേഖലയാകെ ഇടതുസർക്കാർ തകർത്തുവെന്നും ചവറ ജയകുമാർ ആരോപിച്ചു. എറണാകുളം പ്രസ് ക്ലബിൽ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.
കേരള എൻജിഒ അസോസിയേഷൻ സുവർണ ജൂബിലി ആഘോഷങ്ങൾക്ക് ഇന്ന് കൊച്ചിയിൽ തുടക്കമാകുമെന്ന് അദ്ദേഹം അറിയിച്ചു. 1974 ൽ സംഘടന രൂപീകരിച്ച എറണാകുളം ഹിന്ദി പ്രചാര സഭ ഹാളിലാണ് സുവർണ ജൂബിലി ആഘോഷങ്ങളുടെ ഉദ്ഘാടനം നടക്കുന്നത്. രാവിലെ പത്തരയ്ക്ക് നടക്കുന്ന സമ്മേളനത്തിൽ പ്രതിപക്ഷ നേതാവ് വി.ഡി. സതീശൻ സുവർണജൂബിലി ആഘോഷങ്ങൾ ഉദ്ഘാടനം ചെയ്യും. ബെന്നി ബഹനാൻ എംപി മുഖ്യപ്രഭാഷണം നടത്തും. എംപിമാരായ ഹൈബി ഈഡൻ, ഡീൻ കുര്യാക്കോസ്, ജെബി മേത്തർ, കെ. ബാബു എംഎൽഎ തുടങ്ങിയവർ പങ്കെടുക്കും. ചവറ ജയകുമാർ അധ്യക്ഷത വഹിക്കും. സംസ്ഥാന ജനറൽ സെക്രട്ടറി എ.എം. ജാഫർഖാൻ സ്വാഗതവും ട്രഷറർ എം.ജെ. തോമസ് ഹെർബീറ്റ് നന്ദിയും പറയും.