കൊച്ചി: സംസ്ഥാന ചലച്ചിത്ര അക്കാദമി സ്ഥാനത്തു നിന്നും രാജിവച്ച് സംവിധായകൻ രഞ്ജിത്ത്. രാജിക്കത്ത് ഔദ്യോഗികമായി സാംസ്ക്കാരിക വകുപ്പിന് കൈമാറി. ഹേമ കമ്മിറ്റി റിപ്പോർട്ട് പുറത്തു വന്നതിനു പിന്നാലെ ബംഗാളി നടി രഞ്ജിത്തിനെതിരേ ആരോപണങ്ങൾ ഉന്നയിച്ചിരുന്നു.

സമ്മർദങ്ങൾക്ക് ഒടുവിലാണ് രാജി. ആരോപണത്തിന് പിന്നാലെ സാംസ്ക്കാരിക വകുപ്പി അടക്കം രഞ്ജിത്തിനെ പിന്തുണച്ച് രംഗത്തെത്തിയിരുന്നു. തുടർന്ന് സർക്കാരിനെതിരേ വരെ വലിയ വിമർശനങ്ങൾ ഉയർന്നിരുന്നു. ശനിയാഴ്ച തന്നെ രഞ്ജിത്ത് രാജി വച്ചേക്കുമെന്ന വാർത്ത വന്നിരുന്നു. എന്നാൽ ഇന്ന് രാവിലെ 9.10 ഓടെയാണ് രഞ്ജിത്ത് രാജി സമർപ്പിച്ചത്. സാംസ്ക്കാരിക വകുപ്പ് രാജി സ്വീകരിക്കുക എന്നതു മാത്രമാണ് ഇനിയുള്ള നടപടി.