കോട്ടയം: കേരള കോൺഗ്രസ് ജോസഫ് ഗ്രൂപ്പിൽ നിന്നും രാജിവച്ച സജി മഞ്ഞക്കടമ്പിൽ എൻഡിയിലേക്ക്. ഇതിന് മുന്നോടിയായി സജിയുടെ നേതൃത്വത്തിൽ പുതിയ കേരള കോണ്‍ഗ്രസ് പാര്‍ട്ടി രൂപീകരിക്കും. ലോക്സഭ തെരഞ്ഞെടുപ്പില്‍ എന്‍ഡിഎ സ്ഥാനാര്‍ഥി തുഷാര്‍ വെള്ളാപ്പള്ളിക്ക് പിന്തുണ പ്രഖ്യാപിക്കുമെന്നും അദ്ദേഹം അറിയിച്ചു.
നേരത്തെ തന്നെ മുന്നണിയിൽ നിന്നും ക്ഷണം ഉണ്ടായിരുന്നതായും തെരഞ്ഞെടുപ്പ് അടുത്തതോടെ ഇക്കാര്യത്തിൽ വ്യക്തത വരുത്തുകയാണെന്നും സജി പറഞ്ഞു. സജി അനുകൂലികളുടെ യോഗം അല്‍പസമയത്തിനകം കോട്ടയത്ത് ചേരും. ഇതിനു ശേഷം എൻഡിഎയിലേക്കുള്ള പ്രവേശനം ഔദ്യോഗികമായി പ്രഖ്യാപിച്ചേക്കുമെന്നാണ് വിവരം.