വി.എസ്. അച്യുതാനന്ദൻ
തിരുവനന്തപുരം: മുൻ മുഖ്യമന്ത്രിയും മുതിർന്ന സിപിഎം നേതാവുമായ വി.എസ്. അച്യുതാനന്ദന്റെ ആരോഗ്യ നില സംബന്ധിച്ച് പ്രതീക്ഷ പങ്കുവച്ച് മകൻ അരുൺ കുമാറിന്റെ ഫെയ്സ് ബുക്ക് പോസ്റ്റ്. ഹാർട്ട് അറ്റാക്കിനെ തുടർന്ന് കഴിഞ്ഞ കുറച്ച് ദിവസങ്ങളായി തിരുവനന്തപുരം എസ്യുടി ആശുപത്രിയിൽ ചികിത്സയിലാണ് വിഎസ്.
അച്ഛന്റെ ആരോഗ്യനില പതുക്കെ മെച്ചപെട്ടുവരുകയാണെന്നും നിങ്ങളെയെല്ലാം പോലെ ഞങ്ങളും വലിയ പ്രതീക്ഷയിലാണെന്നും അദ്ദേഹം കുറിച്ചു.
ഫെയ്സ് ബുക്ക് പോസ്റ്റിന്റെ പൂർണരൂപം...
അച്ഛന്റെ ആരോഗ്യനില പതുക്കെ മെച്ചപെട്ടുവരുകയാണ്. ഹൃദയമിടിപ്പും ശ്വാസവുമൊക്കെ സാധാരണ നിലയിലേക്കെത്തുകയാണ്. ഇന്നത്തെ ഡയാലിസിസിലൂടെ ആരോഗ്യം കൂടുതൽ മെച്ചമാവുമെന്ന പ്രതീക്ഷയാണ് ഡോക്ടർമാർ പങ്കുവെച്ചത്. അച്ഛനെ നെഞ്ചേറ്റികാത്തിരിക്കുന്നവർക്കൊപ്പം ഞങ്ങളും വലിയ വിശ്വാസത്തിലാണ്.