കൽപറ്റ: ഭീതി പരത്തുന്ന നരഭോജി കടുവയെ പിടികൂടാനാവാത്ത സാഹചര‍്യത്തിൽ വയനാട്ടിലെ വിവിധ മേഖലകളിൽ കർഫ‍്യൂ പ്രഖ‍്യാപിച്ചു. പഞ്ചാരക്കൊല്ലി, മേലേചിറക്കര, പിലാക്കാവ് മൂന്നു റോഡ് ഭാഗം, മണിയംകുന്ന് തുടങ്ങിയ ഭാഗങ്ങളിലാണ് നിയന്ത്രണം.
തിങ്കളാഴ്ച രാവിലെ 6 മണി മുതൽ 48 മണികൂർ സമയത്തേക്കാണ് കർഫ‍്യൂ പ്രഖ‍്യാപിച്ചിരിക്കുന്നത്. കർഫ‍്യൂ പ്രഖ‍്യാപിച്ചിരിക്കുന്ന സ്ഥലങ്ങളിൽ സഞ്ചാര വിലക്കുണ്ട്. ജനങ്ങൾ പുറത്തിറങ്ങരുതെന്നും കടകളെല്ലാം അടച്ചിടണമെന്നും അധികൃതരുടെ നിർദേശമുണ്ട്. പരീക്ഷകൾക്ക് പോകേണ്ട വിദ‍്യാർഥികൾക്ക് വാഹന സൗകര‍്യം ഒരുക്കിയിട്ടുണ്ട്. ഇതിനായി കൗൺസിലർമാരെ ബന്ധപ്പെടണം.