വയനാട്: കള്ളാടിയിലെ ദുരന്തബാധിത മേഖല സന്ദർശിച്ചതിനു പിന്നാലെ മാധ‍്യമങ്ങളോട് പ്രതികരിച്ച് മുഖ‍്യമന്ത്രി വി.ഡി. സതീശൻ. രണ്ടുപേർ ഗുരുതരാവസ്ഥയിലാണെന്നും ഇനി 5 പേരെ കണ്ടെത്താനുണ്ടെന്നും മുഖ‍്യമന്ത്രി പറഞ്ഞു. കാണാതായവരെ കണ്ടെത്തുന്നതിനാണ് പ്രഥമ പരിഗണനയെന്നും ജൂലൈ 9ന് രാവിലെയോടെ പുഴയിൽ പരിശോധന നടത്തുമെന്നും അദ്ദേഹം കൂട്ടിച്ചേർത്തു.

ജനങ്ങളെ മാറ്റി പാർപ്പിക്കാനുള്ള നടപടികളുണ്ടാകുമെന്നും വയനാട് ജില്ലയിലാകെ നടന്ന സംഭവമാണിതെന്ന പ്രചാരണം പാടില്ലെന്നും ചെറിയ സ്ഥലത്തുണ്ടായ സംഭവമാണിതെന്നും അദ്ദേഹം പറഞ്ഞു. ടൗൺഷിപ്പിന്‍റെ സമീപത്ത് കൂട്ടിയിട്ടിരിക്കുന്ന മണ്ണ് മാറ്റുന്നതിനായി നിർദേശം നൽകിയതായും സംഭവത്തിൽ ഉറപ്പായും പൊലീസ് അന്വേഷണമുണ്ടാകുമെന്നും മുഖ‍്യമന്ത്രി പറഞ്ഞു.