തിരുവനന്തപുരം: ലൈംഗിക ചൂഷണം നടത്തിയവർ ആരായാലും ശിക്ഷിക്കപ്പെടണമെന്ന് നടി ഹണി റോസ്. ഹേമ കമ്മിറ്റി റിപ്പോർട്ട് പുറത്തുവന്നതിനെ തുടർന്ന് നിരവധി ആരോപണങ്ങളും വെളിപെടുത്തലുകളുമാണ് മലയാളത്തിലെ നടന്മാർക്കും സംവിധായകർക്കുമെതിരെ ഉയർന്നത്. ഈ സാഹചര്യത്തിലാണ് പ്രതികരണവുമായി ഹണി റോസ് രംഗത്തെത്തിയത്.
ഒരു സ്വകാര്യ ചടങ്ങിൽ പങ്കെടുത്ത് മടങ്ങുന്നതിനിടെയാണ് ഹണി റോസ് മാധ്യമങ്ങളോട് പ്രതികരിച്ചത്. സിനിമയിൽ ലൈംഗിക ചൂഷണം നടത്തിയവർ ആരായാലും ശിക്ഷിക്കപ്പെടണമെന്നും നിയമം അനുശാസിക്കുന്ന ശിക്ഷ തന്നെ അവർക്ക് ലഭിക്കണമെന്നും, താൻ അഭിനയിച്ച സിനിമ സെറ്റുകളിൽ ആരും ചൂഷണത്തിനിരയായതായി അറിവില്ലെന്നും ഹണി റോസ് വ്യക്തമാക്കി.