ആലപ്പുഴ: തത്തംപളളി സഹൃദയ ആശുപത്രിയിൽ നിന്നും ലക്ഷങ്ങൾ തട്ടിയ കേസിൽ യുവതി അറസ്റ്റിൽ. തത്തംപളളി കുളക്കാടു വീട്ടിൽ കെ.സി. ദീപമോൾ (44)യെയാണ് പൊലീസ് അറസ്റ്റ് ചെയ്തത്.

80 ലക്ഷത്തോളം രൂപയാണ് യുവതി ആശുപത്രിയിൽ ജോലി ചെയുന്നതിനിടെ തട്ടിയത്. ആശുപത്രിയിൽ എത്തുന്ന രോഗികളിൽ നിന്നും ബിൽ പ്രകാരമുളള തുക കൈപ്പറ്റിയശേഷം രോഗികൾക്ക് ചികിത്സയിൽ ഇളവ് നൽകിയതായി കാണിച്ചുള്ള കൃത്രിമ രേഖയുണ്ടാക്കി ആശുപത്രി അധികൃതരെ കാണിച്ചായിരുന്നു പ്രതി തട്ടിപ്പ് നടത്തിയിരുന്നത്.

ആലപ്പുഴ നോർത്ത് പൊലീസാണ് യുവതിയെ അറസ്റ്റ് ചെയ്തത്.