തിരുവനന്തപുരം: കേരള ജനതയെ ഒന്നടങ്കം നടുക്കിയ ആലുവ കേസിൽ പ്രതി ബിഹാർ സ്വദേശി അസ്ഫാക് ആലത്തിന് വധശിക്ഷ വിധിച്ചതിൽ പ്രതികരണവുമായി ആരോഗ്യമന്ത്രി വീണാ ജോർജ്. പ്രതി അസഫാഖ് ആലത്തിന് വധശിക്ഷ വിധിച്ചത് ശിശുദിനത്തിലെ ഏറ്റവും പ്രധാനമായ സന്ദേശമാണ്. പൊതുസമൂഹത്തിന്റെ മനസിനൊപ്പം കോടതി നിന്നതായും മന്ത്രി പറഞ്ഞു.
പൊലീസിനും പ്രോസിക്യൂഷനും ആദരവ് അറിയിക്കുന്നു. ശക്തമായ സന്ദേശമാണ് കോടതി നൽകുന്നത്. മാതൃകാപരമായ വിധിയാണ് കോടതി പുറപ്പെടുവിപ്പിച്ചത്. സമാനമായ കേസുകളിൽ ഈ വിധി മാതൃകയാകും. ഇനി ഒരു കുട്ടിയും ആക്രമിക്കപ്പെടരുതെന്നും ആരോഗ്യമന്ത്രി പറഞ്ഞു.