തിരുവനന്തപുരം: തിരുവനന്തപുരം നഗരപരിധിയിലെ സ്കൂളുകൾക്ക് തിങ്കളാഴ്ച അവധി പ്രഖ്യാപിച്ചു. നഗരത്തിൽ കുടിവെള്ള പ്രശ്നം ഇതുവരെ പരിഹരിക്കാൻ സാധിക്കാത്തതിനാലാണിത്.
നാലു ദിവസമായി കുടിവെള്ള ക്ഷാമം നേരിടുന്ന മേഖലയിൽ ഞായറാഴ്ച വൈകുന്നേരത്തോടെ പമ്പിങ് പുനരാരംഭിക്കാൻ സാധിക്കുമെന്നാണ് അധികൃതർ നേരത്തെ അറിയിച്ചിരുന്നത്. എന്നാൽ, ഇതു സാധിച്ചിട്ടില്ല.
താഴ്ന്ന പ്രദേശങ്ങളിൽ മാത്രം കുടിവെള്ള വിതരണം പുനസ്ഥാപിക്കാൻ സാധിച്ചിട്ടുണ്ട്. എന്നാൽ, മറ്റുള്ള സ്ഥലങ്ങളിൽ പ്രതിസന്ധി രൂക്ഷമായി തുടരുന്നു.