കോതമംഗലം : കോതമംഗലം മുനിസിപ്പാലിറ്റി വാർഡ് 04 രാമല്ലൂരിൽ കെ എസ് ഇ ബി ട്രാൻസ്ഫോർമറിന് തീപിടിച്ചത് പരിഭ്രാന്തി പരത്തി. കോതമംഗലം അഗ്നി രക്ഷാസേനയെത്തി തീ അണച്ചു. തിങ്കളാഴ്ച രാത്രി 11:20 ഓടെയാണ് തീപിടിച്ചത്.

സീനിയർ ഫയർ ആന്‍റ് റെസ്ക്യൂ ഓഫീസർ സിദ്ധീഖ് ഇസ്മായിലിന്‍റെ നേതൃത്വത്തിൽ ഫയർ ആന്‍റ് റെസ്ക്യൂ ഓഫീസർമാരായ ഒ.എ. ആബിദ്, വി.എം. ഷാജി,കെ.എം. അഖിൽ, ആർ. മഹേഷ്, എം.ആർ. അനുരാജ് എന്നിവരാണ് രക്ഷാപ്രവർത്തനം നടത്തിയത്.