മഴയില് നിന്ന് ചെറിയാശ്വാസം
മുംബൈ: വ്യാപകനാശം വിതച്ച മഴയില് നിന്ന് ഒടുവില് ആശ്വാസം . ജൂലൈ ഒന്നിന് ആരംഭിച്ച മഴ ചൊവ്വാഴ്ച പുലര്ച്ചെയോടെയാണ് അവസാനിച്ചത്. പ്രളയസമാനമയ നിലയില് നിന്ന് വലിയ ആശ്വാസം ലഭിച്ചതിന്റെ സന്തോഷത്തിലാണ് മുംബൈക്കാര്. നഗരത്തിന്റെ വിവിധ ഭാഗങ്ങളില് ഒരൊറ്റ ദിവസത്തിനിടെ മാത്രം 523 മരങ്ങള് കടപുഴകി. റോഡുകളിലും ജനവാസ മേഖലകളിലും വന്മരങ്ങള് കടപുഴകി വീണത് വന് നാശനഷ്ടങ്ങള്ക്കും ഗതാഗത തടസ്സങ്ങള്ക്കും കാരണമായി
തുടര്ച്ചയായി പെയ്യുന്ന കനത്ത മഴയും ശക്തമായ കാറ്റുമാണ് മുംബൈയെ ദുരന്തഭൂമിയാക്കി മാറ്റിയത്. ഒന്നിനുപിറകെ ഒന്നായി മരങ്ങള് ഒടിഞ്ഞുവീണതോടെ നഗരത്തിലെ പല പ്രധാന പാതകളും പൂര്ണ്ണമായും അടഞ്ഞു. അഗ്നിരക്ഷാസേനയും കോര്പ്പറേഷന് ജീവനക്കാരും ചേര്ന്നാണ് മരങ്ങള് നീക്കിയത്.