പുനെ: മഹാരാഷ്ട്രയിലെ പുനെയില്‍ വ്യാജമദ്യം കഴിച്ചതിനെ തുടര്‍ന്ന് മരിച്ചവരുടെ എണ്ണം 18 ആയി ഉയര്‍ന്നു. പുനെയിലെ ഹട്സ്പര്‍, പിംപ്രി ചിഞ്ചുവാട്ട് മേഖലകളിലാണ് ദുരന്തമുണ്ടായത്.

വ്യാജ മദ്യം കഴിച്ച നിരവധി പേര്‍ക്ക് കാഴ്ച നഷ്ടപ്പെടുകയും ആന്തരികാവയവങ്ങളെ ഗുരുതരമായി ബാധിക്കുകയും ചെയ്തിട്ടുണ്ട്. നിരവധി പേര്‍ ആശുപത്രികളില്‍ അതീവ ഗുരുതരാവസ്ഥയില്‍ ചികിത്സയില്‍ തുടരുകയാണ്. കേസുമായി ബന്ധപ്പെട്ട് മുഖ്യപ്രതിയുള്‍പ്പെടെ 8 പേരെ അറസ്റ്റ് ചെയ്തു.