നവിമുംബൈ: കലാ സാംസ്‌കാരിക ജീവ കാരുണ്യ പ്രവര്‍ത്തനങ്ങളില്‍ കഴിഞ്ഞ രണ്ട് പതിറ്റാണ്ടുകളിലേറെ കാലമായി പ്രവര്‍ത്തിക്കുന്ന ഖാര്‍ഘറിലെ ഏക മലയാളി സംഘടനയായ ഖാര്‍ഘര്‍ കേരള സമാജം അതിന്‍റെ 21-ാംവാര്‍ഷികം ഖാര്‍ഘര്‍ സെക്റ്റർ 5 ഉത്സവ് ചൗക്കിനടുത്തുള്ള ശ്രീ ലേവ പാട്ടിദാര്‍ ഹാളില്‍ ആഘോഷിച്ചു.

ഖാര്‍ഘര്‍ സമാജത്തിന്‍റെ ചെണ്ട വിദ്യാര്‍ഥികളുടെ ചെണ്ടമേളത്തോടെ തുടങ്ങിയ ആഘോഷപരിപാടികള്‍ രാത്രി 10 മണിവരെ നീണ്ടു.

ഗാനാലാപനം, നൃത്യ നൃത്തങ്ങള്‍ സാംസ്‌കാരിക സമ്മേളനം, ലഘു നാടകങ്ങള്‍ എന്നിങ്ങനെ 6 മണിക്കൂര്‍ നീണ്ടുനിന്ന പരിപാടികളില്‍ സമാജം സ്‌നേഹികളായ നൂറുകണക്കിന് ആളുകള്‍ പങ്കെടുത്തു.