മുംബൈ: ശ്രീനാരായണ ധർമ്മ പരിപാലന യോഗം മുംബൈ താനെ യൂണിയൻ ആസ്ഥാന മന്ദിരത്തിൽ ശ്രീനാരായണ ഗുരുവിന്‍റെ 96 ആംമത് മഹാസമാധി വനിതാ സംഘം യുണിയൻ സെകട്ടറി ശോഭന വാസുദേവന്‍റെ നേത്യത്വത്തിൽ പൂജയും പ്രാർത്ഥനയോടെയും ആചരിച്ചു. യൂണിയനിൽപെട്ട അന്‍റോപ് ഹിൽ, സാകിനാക്ക, ഡോംബിവലി, രസായനി-മോഹോപ്പാട, അംബർനാഥ്, കല്യാൺ വെസ്റ്റ്, കല്യാൺ ഈസ്റ്റ വസായ് നല്ലസോപ്പാറ,
ഭയന്ദർ,മീരറോഡ്,ബോറിവലി-കന്ദിവലി,മലാഡ്-മൽവാണി,മലാഡ്ഗോരേഗാവ്,ഐരോളി,ഭാണ്ഡൂപ്,കാമോത്തേ,സി.ബി.ഡി.ബേലാപ്പൂർ,നെരൂൾ,പൻവേൽ,വാശി,ചെമ്പൂർ കോളനി,ഉല്ലാസ് നഗർ എന്നി ശാഖായോഗങ്ങളിൽ വിപുലമായ പരിപാടികളോടെയാണ് ഗുരുവിന്‍റെ മഹാസമാധി ദിനാചരണം നടന്നത്. പല ശാഖകളിലും ഗുരുഭാഗവത പാരായണം,ഗുരുപുഷ്പാഞ്ജലി,സമാധി ഗാനം ആലാപനം, പ്രഭാഷണം എന്നിവയ്‌ക്കൊപ്പം മഹാപ്രസാദമായി കഞ്ഞി വിതരണവും നടത്തപ്പെട്ടു.