ശരദ് പവാര്‍
മുംബൈ: പഹല്‍ഗാം ഭീകരാക്രമണം ചര്‍ച്ചചെയ്യാന്‍ പാര്‍ലമെന്‍റിന്‍റെ പ്രത്യേകസമ്മേളനം നടത്തണമെന്ന കോണ്‍ഗ്രസിന്‍റെ ആവശ്യത്തെ പിന്തുണച്ച് എന്‍സിപി അധ്യക്ഷന്‍ ശരദ് പവാര്‍.
താനെയിലെ തുല്‍ജ ഭവാനി ക്ഷേത്രത്തില്‍ നടന്ന പ്രതിഷ്ഠാചടങ്ങില്‍ പങ്കെടുത്തശേഷം വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദഹേം. കശ്മീരിലെ വിനോദസഞ്ചാരികളുടെ കൂട്ടക്കൊലയെ രാജ്യത്തിന് നേരെയുള്ള ആക്രമണമായി വിശേഷിപ്പിക്കുകയും ഈ വിഷയത്തില്‍ ഏതുനടപടിയും കൈക്കൊള്ളുന്നതില്‍ കേന്ദ്രസര്‍ക്കാരിനെ പിന്തുണയ്ക്കുമെന്നും പറഞ്ഞു.
ഞങ്ങളുടെ ചിലസഹപ്രവര്‍ത്തകര്‍ പാര്‍ലമെന്‍റിന്‍റെ പ്രത്യേക സമ്മേളനം വേണമെന്ന് ആവശ്യപ്പെട്ടിട്ടുണ്ട്. ഈ വിഷയത്തില്‍ രാജ്യംമുഴുവന്‍ ഒറ്റക്കെട്ടായി നില്‍ക്കുകയാണ്. എല്ലാ പാര്‍ട്ടികളും പാര്‍ലമെന്‍റും ഐക്യത്തിലാണ്. ഈ സന്ദേശം ലോകത്തിന് കൈമാറാന്‍ പഹല്‍ഗാമിനെക്കുറിച്ചുള്ള പ്രത്യേക സമ്മേളനം ഉപയോഗപ്രദമാകുമെന്നും അദ്ദേഹം കൂട്ടിച്ചേര്‍ത്തു.