ഭസ്മാഞ്ചല് നാടകത്തിന്റെ ആദ്യ പ്രദര്ശനം ഒക്റ്റോബര് 5ന്
മുംബൈ: മുംബൈ മലയാളിയായ മോഹന് നായര് അണിയിച്ചൊരുക്കുന്ന ഹിന്ദി നാടകമായ ഭസ്മാഞ്ചല് ഒക്റ്റോബര് 5-ന് രാത്രി 7.30ന് വാഷിയിലെ വിഷ്ണുദാസ് ഭാവേ നട്യഗ്രഹത്തില് അരങ്ങേറും. 72 കലാകാരന്മാര് ഒരുമിച്ച് അഭിനയിക്കുന്ന ഇന്ത്യയിലെ ആദ്യത്തെ നാടകാവിഷ്കാരമാണിത്.
പ്രമുഖ കലാകാരന്മാര് അവതരിപ്പിക്കുന്ന ''കാന്താര'' നൃത്താവിഷ്കാരം, ആറു വാദ്യ വിദ്വാന്മാരുടെ ചെണ്ടവാദ്യം, വര്ണാഭമായ ആദിവാസി നൃത്തങ്ങള്, നാഷിക് ഢോള് എന്നിവയും ഉള്പ്പെടുന്ന ഈ നാടക സായാഹ്നം കല, സംസ്കാരം, സാമൂഹിക പ്രതിബദ്ധത എന്നിവയെ ഒരുമിപ്പിക്കുന്നതാണ്.