ഭുവനേശ്വർ: ഒഡീശയിൽ 2 പേർക്ക് കൂടി കൊവിഡ് 19 സ്ഥിരീകരിച്ചു. ഇതോടെ സംസ്ഥാനത്ത് കൊവിഡ് ബാധിച്ചവരുടെ എണ്ണം മൂന്ന് ആയി. ഒഡീശയിലെ ഗഞ്ചൻ ജില്ലയിലാണ് മൂന്നു പേർക്കും രോഗം സ്ഥിരീകരിച്ചിരിക്കുന്നത്. രോഗം സ്ഥിരീകരിച്ചവർ നിലവിൽ ഐസൊലേഷനിലാണെന്നും അവരുടെ ആരോഗ‍്യനില ഗുരുതരമല്ലെന്നും അധികൃതർ പറഞ്ഞു.

ഒരാൾ ബെർഹാംപൂരിലെ എംകെസിജി മെഡിക്കൽ കോളെജ് ആശുപത്രിയിൽ ചികിത്സയിൽ കഴിയുകയാണ്. ആരോഗ‍്യവകുപ്പ് സ്പെഷ‍്യൽ സെക്രട്ടറി സന്തോഷ് മിശ്ര കഴിഞ്ഞ ദിവസം ആശുപത്രി സന്ദർശിച്ച് സ്ഥിതിഗതികൾ വിലയിരുത്തിയിരുന്നു.