കാബൂൾ: തെക്കൻ ഫിലിപ്പീൻസിൽ 5.6 തീവ്രത രേഖപ്പെടുത്തിയ ഭൂചലനമുണ്ടായി മണിക്കൂറുകൾക്കു പിന്നാലെ അഫ്ഗാനിസ്ഥാനിലും ഭൂകമ്പം. 5.9 തീവ്രതയിൽ ശക്തമായ ഭൂചലനമാണ് ഉണ്ടായത്.

ഹിന്ദുക്കുഷ് മേഖലയിൽ ബുധനാഴ്ച പുലർച്ചെയോടെയാണ് ഭൂചലനം അനുഭവപ്പെട്ടതെന്ന് യൂറോപ്യൻ - മെഡിറ്ററേനിയൻ സീസ്മോളജിക്കൽ സെന്‍റർ (ഇഎംഎസ്‌സി) അറിയിച്ചു. ഭൂചലനത്തിൽ ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല.

121 കി.മീ. (75 മൈൽ) ആഴത്തിലുണ്ടായ ഭൂകമ്പമാണ് ഉണ്ടായതെന്നാണ് റിപ്പോർട്ട്. ബാഗ്ലാനിന് 164 കിലോമീറ്റർ കിഴക്കാണ് ഭൂചലനത്തിന്‍റെ പ്രഭവകേന്ദ്രം.

അതേസമയം ഡൽഹിയിലും ഭൂചലനം അനുഭവപ്പെട്ടതായി നാഷണൽ സെന്‍റർ ഫോർ സീസ്‌മോളജി (എൻസിഎസ്) അറിയിച്ചു.