നോയ്ഡ: ഐടി സ്ഥാപനത്തിലെ ജീവനക്കാർ കയറിയ ലിഫ്റ്റ് എട്ടാം നിലയിൽ നിന്ന് നിയന്ത്രണം നഷ്ടപ്പെട്ട് താഴേക്ക് പതിച്ചു. ഒമ്പത് ജീവനക്കാർ പരുക്കുകളോടെ ആശുപത്രിയിൽ.

നോയ്ഡയിലെ സെക്റ്റർ 125ലുള്ള കോവർക്കിങ് സ്പേസിലാണ് സംഭവം. അഞ്ച് പേരുടെ പരുക്ക് ഗുരുതരമാണ്. ഒടിവുകൾ അടക്കം ഉണ്ടായിട്ടുണ്ട്. ‌സ്വകാര്യ ആശുപത്രിയിലെ ഐസിയുവിലാണ് ഇവർ.

ബാക്കി നാലു പേർക്ക് വൈകാതെ ആശുപത്രി വിടാം. പിയൂഷ്, അഭിഷേക് കുമാർ, അഭിഷേക് ഗുപ്ത, സൗരഭ് കാടിയ, രജത് ശർമ, സൗരഭ് ഭരദ്വാജ്, യാഷു ശർമ, സാഗർ, അഭിജിത് സിങ് എന്നിവർക്കാണ് പരുക്കേറ്റത്. 22 മുതൽ 28 വരെയാണ് ഇവരുടെ പ്രായം.