അഹമ്മദാബാദ്: ഗുജറാത്ത് വിമാനാപകടത്തിൽ നിന്ന് അദ്ഭുതകരമായി രക്ഷപെട്ട ഇന്ത്യൻ വംശജനായ ബ്രിട്ടിഷ് പൗരൻ വിശ്വാസ് കുമാർ രമേഷ് ആശുപത്രി വിട്ടു. അന്വേഷണ സംഘത്തിന്‍റെ നിർദേശത്തെത്തുടർന്ന് വിശ്വാസിനെ ഹോട്ടലിലേക്ക് മാറ്റിയിട്ടുണ്ട്. എപ്പോൾ വീട്ടിലേക്കു മടങ്ങാൻ കഴിയുമെന്ന കാര‍്യത്തിൽ വ‍്യക്തതയില്ല.

വിമാനത്തിലെ 11 എ സീറ്റിലെ യാത്രക്കാരനായിരുന്ന വിശ്വാസ് എമർജൻസി എക്സിറ്റിലൂടെയാണു രക്ഷപെട്ടത്. ഇന്ത‍്യയിലെ കുടംബാംഗങ്ങളെ കാണാനെത്തിയതായിരുന്നു. സഹോദരനൊപ്പം ലണ്ടനിലേക്കുള്ള മടക്കയാത്രക്കിടെയാണ് അപകടമുണ്ടായത്.