ചെന്നൈ: രാമേശ്വരത്ത് മേഘവിസ്ഫോടനം. 3 മണിക്കൂറിൽ 362 മീല്ലീമീറ്റർ മഴയാണ് പ്രദേശത്ത് പെയ്തത്. വടക്കുകിഴക്കൻ മൺസൂൺ ശക്തിപ്രാപിച്ചതിന് പിന്നാലെ തമിഴ്നാട്ടിലെ തെക്കൻ ജില്ലകളിൽ വ്യാപക മഴയാണ് ലഭിച്ചത്. വെള്ളക്കെട്ടും സുരക്ഷാ പ്രശ്നങ്ങളും കണക്കിലെടുത്ത് പല ജില്ലകളിലും സ്കൂളുകൾക്ക് അവധി പ്രഖ്യാപിച്ചിട്ടുണ്ട്.
രണ്ട് ദിവസമായി പെയ്യുന്ന കനത്ത മഴയെ തുടർന്ന് തിരുനെൽവേലിയിലെ എല്ലാ സർക്കാർ, സ്വകാര്യ സ്കൂളുകൾക്കും അവധി പ്രഖ്യാപിച്ചിരുന്നു. തൂത്തുക്കുടി, തെങ്കാശി ജില്ലകളിലും സമാനമായ രീതിയിൽ അവധി പ്രഖ്യാപിച്ചിട്ടുണ്ട്. കോളേജുകൾ സാധാരണ പോലെ പ്രവർത്തിക്കും.