വാഷിങ്ടൺ: അമെരിക്കയില്‍ ഇന്ത്യന്‍ കുടുംബം സഞ്ചരിച്ച കാറിലേക്ക് ട്രക്ക് ഇടിച്ചു കയറി ഒരു കുടുംബത്തിലെ 4 പേർക്ക് ദാരുണാന്ത്യം. ഹൈദരാബാദ് സ്വദേശികളായ ശ്രീ വെങ്കട്ട്, ഭാര്യ തേജസ്വിനി, 2 മക്കള്‍ എന്നിവരാണ് മരിച്ചത്. ഡാലസില്‍ അവധി ആഘോഷിക്കുന്നതിനിടെയാണ് അപകടം.

അറ്റ്ലാന്‍റയിലെ ബന്ധുക്കളെ സന്ദർശിച്ച് മടങ്ങുന്നതിനിടെ ഇവര്‍ സഞ്ചരിച്ച കാറിലേക്ക് ദിശ തെറ്റിവന്ന മിനി ട്രക്ക് ഇടിക്കുകയും കാറിന് തീപിടിക്കുകയുമായിരുന്നു. 4 പേരും സംഭവസ്ഥലത്ത് വച്ചു തന്നെ വെന്തുമരിച്ചു.

മൃതദേഹങ്ങൾ കത്തിക്കരിഞ്ഞതിനാല്‍ തിരിച്ചറിയാൻ ശാസ്ത്രീയ പരിശോധനകൾ വേണ്ടി വരുമെന്ന് അധികൃതർ അറിയിച്ചു. നടപടിക്രമങ്ങൾക്ക് ശേഷം സംസ്കാര ചടങ്ങുകൾക്കായി മൃതദേഹങ്ങൾ ഹൈദരാബാദിലേക്ക് കൊണ്ടുവരും.