മുംബൈ: രാജ്യത്ത് ദാരിദ്ര്യം നിര്‍മാര്‍ജനം ചെയ്യാൻ ജനങ്ങൾക്ക് സൗജന്യം നൽകുന്നതിന് പകരം കൂടുതൽ തൊഴിലവസരങ്ങൾ നൽകുകയാണ് വേണ്ടതെന്ന് ഇൻഫോസിസ് സഹ സ്ഥാപകൻ എൻ.ആർ. നാരായണ മൂർത്തി. രാജ്യത്ത് വ്യവസായികൾക്ക് സംരംഭങ്ങള്‍ ആരംഭിക്കാനായാല്‍ പ്രഭാതത്തിലെ മഞ്ഞ് പോലെ ദാരിദ്ര്യം ഇല്ലാതാകുമെന്നാണ് നാരായണ മൂർത്തി പറഞ്ഞു.

മുംബൈയില്‍ നടന്ന വ്യവസായികളുടെ സംഗമത്തില്‍ സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്.

തൊഴില്‍ സൃഷ്ടിക്കുന്നതിലൂടെയാണ് നമ്മള്‍ ദാരിദ്ര്യത്തെ മറികടക്കുന്നത്. ലോകത്തെവിടെയും ജനങ്ങള്‍ക്ക് എല്ലാം സൗജന്യമായി നല്‍കുന്നതിലൂടെ ദാരിദ്ര്യം ഇല്ലാതായിട്ടില്ലെന്നും അദ്ദേഹം പറഞ്ഞു.