പുൽവാമ ഭീകരാക്രമണം; സ്ഫോടക വസ്തുക്കൾ വാങ്ങിയത് ഇ - കൊമേഴ്സ് പ്ലാറ്റ്ഫോം വഴി
ന്യൂഡൽഹി: 2019ലെ പുൽവാമ ഭീകരാക്രമണത്തിനായി ഉപയോഗിച്ച സ്ഫോടക വസ്തുക്കൾ വാങ്ങിയത് ഇ - കൊമേഴ്സ് പ്ലാറ്റ്ഫോം വഴിയാണെന്ന് കണ്ടെത്തല്. ഭീകരപ്രവർത്തനങ്ങൾക്കായുള്ള ധനസഹായത്തെപ്പറ്റി അന്വേഷിക്കുകയും, കള്ളപ്പണം വെളുപ്പിക്കൽ നിരീക്ഷിക്കുകയും ചെയ്യുന്ന ദി ഫിനാൻഷ്യൽ ആക്ഷൻ ടാസ്ക് ഫോഴ്സാണ് (എഫ്എടിഎഫ്) ഇക്കാര്യം പുറത്തുവിട്ടത്.
ഭീകരസംഘടനകൾ സ്ഫോടനങ്ങള് നടത്താനായി ഇ - ഓൺലൈൻ പേയ്മെന്റ് സർവീസുകളെയും കൊമേഴ്സ് പ്ലാറ്റ്ഫോമുകളെയും വ്യാപകമായി ഉയോഗപ്പെടുത്തുന്നുണ്ടെന്ന ഞെട്ടിക്കുന്ന വിവരങ്ങളും എഫ്എടിഎഫ് പങ്കുവയ്ക്കുന്നു.
പുൽവാമ ആക്രമണത്തില് ഉപയോഗിച്ച സ്ഫോടക വസ്തുവിലെ പ്രധാന അസംസ്കൃത വസ്തു അലൂമിനിയം പൗഡറാണ്. ഓണ്ലൈന് വഴിയാണ് ഇത് എത്തിച്ചതെന്നൊണ് എഫ്എടിഎഫിന്റെ കണ്ടെത്തല്.