ജാംനഗർ: ക്രിക്കറ്റ് താരം സച്ചിൻ ടെൻ‌ഡുൽക്കറുടെ സുരക്ഷാ സേനാംഗം സ്വയം വെടിവച്ച് മരിച്ചു. മഹാരാഷ്ട്ര സ്റ്റേറ്റ് പൊലീസ് ഫോഴ്സിലെ ജവാൻ പ്രകാശ് കപ്ഡെ (39) ആണ് ആത്മഹത്യ ചെയ്തത്. അവധി ആഘോഷിക്കാൻ നാട്ടിലെത്തിയ പ്രകാശ് ബുധനാഴ്ച രാവിലെ സർവീസ് ഗൺ ഉപയോഗിച്ച് സ്വയം നിറയൊഴിക്കുകയായിരുന്നു. ജീവനൊടുക്കിയതിന്‍റെ കാരണം വ്യക്തമല്ല.

പ്രായമായ മാതാപിതാക്കൾ, ഭാര്യ,രണ്ടു കുട്ടികൾ, ഒരു സഹോദരൻ എന്നിവരാണ് വീട്ടിലുണ്ടായിരുന്നത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.