ദുബായ്: കളഞ്ഞു കിട്ടിയ ആഭരണങ്ങളും പണവും യഥാർത്ഥ ഉടമകൾക്ക് കൈമാറാൻ പൊലിസ് അധികൃതരെ ഏൽപ്പിച്ച് സത്യസന്ധത പ്രകടിപ്പിച്ച രണ്ട് പേരെ ദുബായ് പൊലീസ് ആദരിച്ചു. നായിഫ് പൊലിസ് സ്റ്റേഷൻ പരിധിയിൽ താമസിക്കുന്ന മുഹമ്മദ് അസമിനും സഈദ് അഹമ്മദിനുമാണ് വിലപിടിപ്പുള്ള വസ്തുക്കൾ കളഞ്ഞു കിട്ടിയത്.

ഇവർക്ക് പൊലീസ് ഉദ്യോഗസ്ഥർ അഭിനന്ദന സർട്ടിഫിക്കറ്റുകൾ സമ്മാനിച്ചു.

പൗര ബോധവും സാമൂഹിക നന്മയും അടങ്ങിയ ഇവരുടെ പെരുമാറ്റവും പ്രവർത്തനവും മാതൃകാപരമാണെന്നും സുരക്ഷയും സമൂഹ ഭദ്രതയും ഉയർത്തിപ്പിടിക്കാൻ പൊതുജനങ്ങളെ പ്രോത്സാഹിപ്പിക്കുന്നതാണെന്നും ദേര നായിഫ് പൊലീസ് സ്റ്റേഷൻ ആക്ടിംഗ് ഡയറക്ടർ ബ്രിഗേഡിയർ എക്‌സ്‌പെർട്ട് ഉമർ അഷൂർ അഭിപ്രായപ്പെട്ടു. തങ്ങളുടെ കടമയാണ് നിർവഹിച്ചതെന്ന് ഇരുവരും പറഞ്ഞു