ദുബായ്: രാജ്യത്തെ സ്വകാര്യ മേഖലാ ജീവനക്കാരുടെ അക്കാദമിക് ബിരുദത്തിന്‍റെ സാധുത പരിശോധിക്കുന്നതിന് പുതിയ ഡിജിറ്റൽ പദ്ധതി പ്രഖ്യാപിച്ചു. വിദേശ രാജ്യങ്ങളിൽ നിന്ന് ലഭിക്കുന്ന അക്കാദമിക് ബിരുദമുള്ള സ്വകാര്യ മേഖലയിലെ തൊഴിലുടമകൾക്കും തൊഴിലാളികൾക്കും ഈ പരിശോധന ബാധകമാണ്. 1 മുതൽ 4 വരെയുള്ള വൈദഗ്ധ്യ നിലവാര പരിശോധനയും ഇതിൽ ഇതിൽ ഉൾപ്പെടുന്നു.

മാനവ വിഭവശേഷി, സ്വദേശിവൽക്കരണ മന്ത്രാലയത്തിന്‍റെ വെബ്‌സൈറ്റ്, സ്മാർട്ട് ആപ്ലിക്കേഷൻ, രാജ്യത്തുടനീളമുള്ള ബിസിനസ് സേവന കേന്ദ്രങ്ങൾ എന്നിവ വഴി ഉപയോക്താക്കൾക്ക് ഈ സേവനം പ്രയോജനപ്പെടുത്താം. അടുത്ത ഘട്ടത്തിൽ യുഎഇയിലെ വിദ്യാഭ്യാസ സ്ഥാപനങ്ങൾ നൽകുന്ന ബിരുദങ്ങൾ കൂടി ഉൾപ്പെടുത്തി സേവനം വിപുലീകരിക്കും.