വാഷിങ്ടൺ: യുഎസിൽ കൊക്ക കോളയിൽ കൃത്രിമ മധുരത്തിന് പകരം കരിമ്പിൽ നിന്നെടുത്ത പ്രകൃതിദത്ത പഞ്ചസാര ഉപയോഗിക്കണമെന്ന തന്‍റെ നിർദേശം കൊക്ക കോള അംഗീകരിച്ചതായി യുഎസ് പ്രസിഡന്‍റ് ഡോണൾഡ് ട്രംപ്. ട്രൂത്ത് സോഷ്യലിലാണ് ട്രംപ് ഈ അവകാശവാദം ഉന്നയിച്ചിരിക്കുന്നത്. അതേസമയം, വിഷയത്തിൽ കൊക്ക കോള ഇതുവരെ ഒദ്യോഗികമായി പ്രതികരിച്ചിട്ടില്ല.

അടുത്ത വര്‍ഷം മുതൽ ഇത്തരത്തിൽ ഉത്പാദനം ആരംഭിക്കാമെന്നു കമ്പനി സമ്മതിച്ചെന്നാണ് ട്രംപിന്‍റെ അവകാശവാദം.

യുഎസിലെ കോക്കിൽ യഥാർഥ പഞ്ചസാര ഉപയോ​ഗിക്കണമെന്ന് കൊക്ക കോളയ്ക്ക് നിർദേശം നൽകിയിരുന്നു. അങ്ങനെ ചെയ്യാൻ അവർ സമ്മതിച്ചിട്ടുണ്ട്. അവരുടെ ഭാ​ഗത്ത് നിന്നുള്ള മികച്ച നീക്കമായിരുന്നു ഇത്. കമ്പനിയിലെ എല്ലാ അധികാരികളോടും നന്ദി പറയാൻ ആ​ഗ്രഹിക്കുന്നുവെന്ന് ട്രംപ് കുറിച്ചു.