ന്യൂഡൽഹി: പാക്കിസ്ഥാനിലെ ബലൂചിസ്ഥാനിൽ ആഭ്യന്തര കലാപം പൊട്ടിപ്പുറപ്പെട്ടെന്ന് റിപ്പോർട്ട്. ബലൂചിസ്ഥാൻ ലിബറേഷൻ ആർമിയാണ് ഇതിനു നേതൃത്വം നൽകുന്നത്.

മേഖലയിലെ ക്വറ്റ പിടിച്ചെടുത്തതായി ബിഎൽഎ അവകാശപ്പെട്ടു. പ്രദേശത്തെ എണ്ണക്കിണറുകൾക്ക് ബിഎൽഎ പ്രവർത്തകർ തീവച്ചതായും റിപ്പോർട്ടുണ്ട്. കഴിഞ്ഞ ദിവസം പാക് സൈന്യത്തിന്‍റെ വാഹനം ബോംബ് വച്ച് തകർത്ത് 14 സൈനികരെ വധിച്ചതിന്‍റെ ഉത്തരവാദിത്വവും ഈ സംഘടന ഏറ്റെടുത്തിരുന്നു.

ഇതിനിടെ പാക് സൈനിക മേധാവിയെ സൈന്യം തന്നെ അട്ടിമറിച്ചതായും വാർത്തകൾ പുറത്തുവരുന്നുണ്ട്.