റിയാദ്: മറ്റ് ഫുട്ബോള് താരങ്ങളില്നിന്ന് വ്യത്യസ്തനായി സൂപ്പര് താരം ക്രിസ്റ്റ്യാനോ റൊണാള്ഡോ. ഭൂകമ്പം തകര്ത്ത തുര്ക്കിക്കും സിറിയയ്ക്കും ഒരു വിമാനം നിറയെ അത്യാവശ്യ സാധനങ്ങളും മരുന്നുകളും നല്കിയാണ് റൊണാള്ഡോ മാനവികതയുടെ വലിയ മാതൃക കാണിച്ചുതന്നത്. ടെന്റുകള് നിര്മിക്കാനുള്ള സാമഗ്രികള്, ഭക്ഷണ പായ്ക്കറ്റുകള്, തലയിണ, പുതപ്പ്, ബെഡ്, കുട്ടികള്ക്കുള്ള ഭക്ഷണം, പാല്, മരുന്നുകള് എന്നിവയടക്കം മൂന്നര ലക്ഷം ഡോളര് വിലമതിക്കുന്ന അവശ്യവസ്തുക്കളാണ് റൊണാള്ഡോ വിമാനത്തില് സിറിയയിലേക്കും തുര്ക്കിയിലേക്കുമായി അയച്ചത്.
ലോകത്തെ നടുക്കിയ ദുരന്തത്തില് റൊണാള്ഡോ ദുഃഖം രേഖപ്പെടുത്തിയിരുന്നു. അതുപോലെ ദുരന്തബാധിതര്ക്ക് സഹായമത്തെിക്കാനുള്ള പണം സ്വരൂപിക്കാനായി തുര്ക്കി താരം മെറിഹ് ഡെമിറാലിന് താന് ഒപ്പിട്ട് നല്കിയ ജേഴ്സി ലേലത്തില് വയ്ക്കാനും റൊണാള്ഡോ അനുമതി നല്കിയിരുന്നു.
അവന് കണ്ടു റൊണാള്ഡോയെ, കണ്നിറയെ നിന്നുള്ള നബീല് സയ്യിദ് എന്ന ബാലന് വലിയ ഒരു സ്വപ്നം സാര്ഥകമായതിന്റെ സന്തോഷത്തിലാണ്. അവന് തന്റെ പ്രിയതാരത്തെ നേരില്ക്കാണാനും താരത്തിനൊപ്പം ഫോട്ടോയെടുക്കാനും സാധിച്ചു. കഴിഞ്ഞ മാസം ഭൂകമ്പത്തില് പിതാവിനെ നഷ്ടമായ പത്തു വയസുകാരന് നബീല് റൊണാള്ഡോയെ ആലിംഗനം ചെയ്യുന്നതിന്റെ വീഡിയോയും ചിത്രവും സോഷ്യല് മീഡിയയില് ഇപ്പോള് വൈറലാണ്. സിറിയയില് നിന്നുള്ള നബീലിനെ സൗദി പ്രോ ലീഗില് അല് ബാതിനെതിരായ മത്സരശേഷം അല്നസര് താരം റൊണാള്ഡോ ചേര്ത്തുപിടിച്ചത്. റൊണാള്ഡോയുടെ കടുത്ത ആരാധകനാണ് നബീല്. തന്റെ ഇഷ്ട താരത്തിന്റെ മത്സരം നേരില് കാണണമെന്ന് ആഗ്രഹം പ്രകടിപ്പിച്ചതിനെത്തുടര്ന്നാണ് അല് നസര് ക്ലബ്ബ് നബീലിനെ സൗദിയിലേക്ക് ക്ഷണിച്ചത്. നബീലിന്റെ ആഗ്രഹം സിറിയയിലെത്തിയ സൗദി ദുരിതാശ്വാസ സംഘം അറിഞ്ഞതിനെത്തുടര്ന്ന് ഇക്കാര്യം അല് നസര് ക്ലബ്ബ് അധികൃതരെ അറിയിക്കുകയായിരുന്നു.
അല് നസ്റും അല് ബാതിനുമായുള്ള മത്സരം കാണാനെത്തിയ നബീലിനെ മത്സരശേഷമാണ് റൊണാള്ഡോ നേരില്ക്കണ്ടത്.