ഷോയിബ് ബഷീർ ഇല്ല, പകരക്കാരനെ ടീമിൽ ഉൾപ്പെടുത്തി ഇംഗ്ലണ്ട്; നാലാം ടെസ്റ്റിനുള്ള ടീമിനെ പ്രഖ‍്യാപിച്ചു

 
Sports

ഷോയിബ് ബഷീർ ഇല്ല, പകരക്കാരനെ കണ്ടെത്തി ഇംഗ്ലണ്ട്; നാലാം ടെസ്റ്റിനുള്ള ടീമിനെ പ്രഖ‍്യാപിച്ചു

ഓൾഡ് ട്രാഫഡിൽ വച്ച് ജൂലൈ 23നാണ് മത്സരം ആരംഭിക്കുന്നത്

ഓൾഡ് ട്രാഫഡ്: ഇന്ത‍്യക്കെതിരായ നാലാം ടെസ്റ്റ് മത്സരത്തിനുള്ള ഇംഗ്ലണ്ട് ടീമിനെ പ്രഖ‍്യാപിച്ചു. ഓൾഡ് ട്രാഫഡിൽ വച്ച് ജൂലൈ 23നാണ് മത്സരം ആരംഭിക്കുന്നത്. മൂന്നാം ടെസ്റ്റ് മത്സരത്തിനിടെ ഇടതുകൈയ്ക്ക് പരുക്കേറ്റ സ്പിന്നർ ഷോയിബ് ബഷീറിനു പകരക്കാരനായി 35കാരനായ ലിയാം ഡോസണിനെ ഇംഗ്ലണ്ട് ടീമിൽ ഉൾപ്പെടുത്തി.

അന്താരാഷ്ട്ര ക്രിക്കറ്റിൽ 3 ടെസ്റ്റ് മത്സരങ്ങൾ മാത്രം കളിച്ചിട്ടുള്ള ലിയാം ഡോസൺ 7 വിക്കറ്റുകൾ വീഴ്ത്തിയിട്ടുണ്ട്. എന്നാൽ ആഭ‍്യന്തര ക്രിക്കറ്റിൽ 371 വിക്കറ്റുകളും 18 സെഞ്ചുറിയുമുണ്ട് താരത്തിന്‍റെ പേരിൽ.

ലിയാം ഡോസൺ

ഇക്കഴിഞ്ഞ മൂന്ന് ടെസ്റ്റ് മത്സരങ്ങളിൽ നിന്നും 10 വിക്കറ്റ് വീഴ്ത്തിയ ഷോയിബ് ബഷീറിനു പകരക്കാരനായി പരിചയസമ്പത്ത് കുറവുള്ള താരത്തിനെ ഉൾപ്പെടുത്തുന്നത് ഒരുപക്ഷേ ടീമിനു തിരിച്ചടിയായേക്കാം.

ഏറെനാളുകളായി ഇംഗ്ലണ്ട് ടീമിന്‍റെ നിർണായക സാന്നിധ‍്യമായിരുന്നു ഷോയിബ് ബഷീർ. മൂന്നാം ടെസ്റ്റിൽ മുഹമ്മദ് സിറാജിനെ പുറത്താക്കിക്കൊണ്ടായിരുന്നു ഷോയിബ് ടീമിനെ വിജയത്തിലേക്ക് നയിച്ചത്.

നാലാം ടെസ്റ്റ് മത്സരത്തിനുള്ള ഇംഗ്ലണ്ട് ടീം: ബെൻ സ്റ്റോക്സ് (ക‍്യാപ്റ്റൻ), ജോഫ്രാ ആർച്ചർ, ഗസ് ആറ്റ്കിൻസൺ, ജേക്കബ് ബെഥൽ, ഹാരി ബ്രൂക്ക്, ബ്രൈഡൻ കാർസ്, സാക് ക്രോളി, ലിയാം ഡോസൺ, ബെൻ ഡക്കറ്റ്, ഒല്ലി പോപ്പ്, ജോ റൂട്ട്, ജാമി സ്മിത്ത്, ജോഷ് ടങ്ങ്, ക്രിസ് വോക്സ്.

പരക്കെ മഴ; അഞ്ച് ജില്ലകളിൽ ഓറഞ്ച് അലർട്ട്

വിപഞ്ചികയുടെയും മകളുടെയും മരണം: കോൺസുലേറ്റിന്‍റെ അടിയന്തിര ഇടപെടലിൽ കുഞ്ഞിന്‍റെ സംസ്കാരം മാറ്റിവച്ചു

പാലക്കാട് - കോഴിക്കോട് ദേശീയ പാതയിൽ കെഎസ്ആർടിസി ബസും ഓട്ടോയും കൂട്ടിയിടിച്ച് അപകടം; 2 പേർ മരിച്ചു

സമൂസയ്ക്കും ജിലേബിക്കും മുന്നറിയിപ്പില്ല, ഉപദേശം മാത്രം: ആരോഗ്യ മന്ത്രാലയം

കാര്‍ പൊട്ടിത്തെറിച്ച് പൊള്ളലേറ്റ് മരിച്ച സഹോദരങ്ങളുടെ സംസ്‌കാര ചടങ്ങുകള്‍ നടന്നു