ഇസ്ലാമാബാദ്: ഡേവിസ് കപ്പ് ടെന്നീസില് പാക്കിസ്ഥാനെതിരായ പ്ലേ ഓഫ് മത്സരത്തിൽ 3-0 എന്ന നിലയിൽ അപരാജിത ലീഡ് നേടിയ ഇന്ത്യ ലോക ഗ്രൂപ്പ് ഒന്നില് കളിക്കാൻ യോഗ്യത നേടി.
ഡബിള്സില് ഇന്ത്യയുടെ യുകി ഭാംബ്രി- സാകേത് മൈനേനി സഖ്യം വിജയിച്ചതോടെയാണ് ഇന്ത്യക്ക് 3-0 ലീഡായത്. മുസമില് മുര്താസ - അക്കീല് ഖാന് സഖ്യത്തെയാണ് ഇന്ത്യന് സഖ്യം പരാജയപ്പെടുത്തിയത്. സ്കോര്: 6-2, 7-6 (7-5).
60 വര്ഷത്തെ ഇടവേളയ്ക്ക് ശേഷമാണ് ഇന്ത്യ ഡേവിസ് കപ്പ് കളിക്കാന് പാക്കിസ്ഥാന്റെ മണ്ണിലെത്തുന്നത്. 1964ലാണ് ഇതിനു മുൻപ് ഇന്ത്യ പാക്കിസ്ഥാനില് കളിച്ചത്.