ഓസ്‌ട്രേലിയൻ ഓപ്പൺ 2023 ബാഡ്മിന്‍റൺ ടൂർണമെന്‍റിൽ നിന്ന് പിവി സിന്ധു പുറത്ത്. വനിതാ സിംഗിൾസ് ക്വാർട്ടർ ഫൈനലിൽ ലോക 12-ാം നമ്പർ താരം അമേരിക്കയുടെ ബെയ്‌വെൻ ഷാങ്ങിനോട് നേരിട്ടുള്ള സെറ്റുകൾക്കാണ് തോറ്റത്.

രണ്ട് തവണ ഒളിമ്പിക്സ് മെഡൽ ജേതാവായിരുന്നു പിവി സിന്ധു. 39 മിനിറ്റ് നീണ്ട കടുത്ത പോരാട്ടത്തിനൊടുവിൽ 12-21, 17-21 എന്ന സ്‌കോറിനായിരുന്നു സിന്ധു തോൽവി ഏറ്റുവാങ്ങിയത്. ബെയ്‌വെൻ ഷാങ്ങുമായി മുൻപ് 10 തവണ ഏറ്റുമുട്ടിയപ്പോൾ ആറ് തവണയും ജയം സിന്ധുവിനൊപ്പമായിരുന്നു.