ചെന്നൈ: എന്തു പറഞ്ഞാലും വിവാദമാകും അതു കൊണ്ട് പൊതുവേദിയിൽ സംസാരിക്കാൻ മടിയാണെന്ന് വെളിപ്പെടുത്തി നടൻ രജനികാന്ത്. അശ്വന്ത് മാരിമുത്തു സംവിധാനം ചെയ്യുന്ന ധർമൻ എന്ന സിനിമയുടെ ടൈറ്റിൽ , ഫസ്റ്റ് ലുക്ക് പോസ്റ്റർ പുറത്തിറങ്ങുന്ന ചടങ്ങിൽ സംസാരിക്കുകയായിരുന്നു അദ്ദേഹം. ഞാൻ എന്ത് സംസാരിച്ചാലും അത് എനിക്കോ നിങ്ങൾക്കോ പ്രശ്നമായി മാറും.

എന്തെങ്കിലും സംസാരിച്ചാൽ എന്തിനാണ് സംസാരിച്ചതെന്നും അങ്ങനെയൊന്നും പറയരുതായിരുന്നുവെന്നും വിമർശിക്കും, മിണ്ടാതിരുന്നാൽ എന്താ നിങ്ങൾ ഒന്നും മിണ്ടാത്തത്, വായിൽ കൊഴുക്കട്ടയാണോ എന്നു ചോദിച്ച് കളിയാക്കും എന്നാണ് രജനികാന്ത് നർമത്തിന്‍റെ മേമ്പൊടി ചേർത്ത് പറഞ്ഞത്. നമ്മളെ ഇഷ്ടമില്ലാത്തവർക്ക് നാം എന്ത് ചെയ്താലും ഇഷ്ടമാകില്ല.

ഇഷ്ടമുള്ളവർക്ക് എന്ത് ചെയ്താലും ഇഷ്ടമാകും എന്നു കരുതിയാൽ അത് വിഡ്ഢിത്തമാകുമെന്നും അതു കൊണ്ട് ശ്രദ്ധിക്കണമെന്നും അദ്ദേഹം പറഞ്ഞു.

നടൻ വിജയ് തമിഴ്നാട് മുഖ്യമന്ത്രിയായതുമായി ബന്ധപ്പെട്ട വിഷയത്തിൽ രജനികാന്ത് നടത്തിയ വാർത്താസമ്മേളനം വിവാദമായി മാറിയിരുന്നു. അതിനു ശേഷം അദ്ദേഹം വലിയ സൈബർ ആക്രമണങ്ങളാണ് നേരിട്ടത്.