കാക്കനാട്: പണം ക‌ടംവാങ്ങിയതിനെ ചൊല്ലിയുണ്ടായ തർക്കത്തിൽ യുവാവിന്‍റെ കഴുത്ത് ബ്ലെയിഡ് കൊണ്ട് കീറി. ഗുരുതരമായി പരിക്കേറ്റ അബ്ദുൽറാസിനെ ആശുപത്രിയിൽ പ്രവേശിപ്പിച്ചു. സംഭവത്തിൽ രണ്ടുപേരെ കസ്റ്റഡിയിലെടുത്തതായി പൊലീസ് അറിയിച്ചു.

പടമുകൾ കുരിക്കോട് വീട്ടിൽ നാദിർഷ (24), പള്ളിപ്പറമ്പിൽ വീട്ടിൽ അബിനാസ് (23) എന്നിവരാണ് അറസ്റ്റിലായത്. പടമുകൾ പാലച്ചുവട് ജംഗ്ഷന് സമീപം നിന്നിരുന്ന അബ്ദുൽറാസികിനെ ഓട്ടോയിലെത്തിയാണ് പ്രതികൾ ആക്രമിച്ചത്. കല്ലുകൊണ്ട് തലയിക്കിട്ട് ഇടിക്കുകയും കഴുത്തിൽ ചുറ്റിപ്പിടിച്ച് ബ്ലെയ്ഡ് കൊണ്ട് കഴുത്ത് മുറിക്കുകയായിരുന്നു.