ലക്‌നൗ: ടോള്‍ പ്ലാസ ജീവനക്കാരിയെ മര്‍ദിച്ച യുവതിയെ പൊലീസ് അറസ്റ്റ് ചെയ്തു. ഉത്തര്‍പ്രദേശ് ഗ്രേറ്റര്‍ നോയിഡയിലെ ലുഹര്‍ലി ടോള്‍ പ്ലാസയിലാണ് സംഭവം.
കാറിൽ നിന്ന് നിന്നിറങ്ങിയ യുവതി, ടോള്‍ ബൂത്തില്‍ അതിക്രമിച്ച് കയറി അസഭ്യം പറയുകയും ജീവനക്കാരിയെ മര്‍ദിക്കുകയും ചെയ്തു. പിന്നീട് മുഖത്ത് പിടിച്ച് ജീവനക്കാരിയെ തള്ളി താഴെയിടുന്നതും വീഡിയോയിൽ കാണാം.
വിവരം അറിഞ്ഞ പൊലിസ് സംഭവ സ്ഥലത്തെത്തി യുവതിയെ അറസ്റ്റ് ചെയ്തു. മര്‍ദനം, ഭീഷണിപ്പെടുത്തല്‍ എന്നീ വകുപ്പുകള്‍ പ്രകാരം യുവതിക്കെതിരെ കേസെടുത്തു.