തൃശൂർ: ബിജെപി സംസ്ഥാന വൈസ് പ്രസിഡന്‍റ് ശോഭാ സുരേന്ദ്രന്‍റെ വീടിനു മുന്നിൽ പൊട്ടിത്തെറിച്ചത് പടക്കമെന്ന് പൊലീസ്. സംഭവത്തിൽ മൂന്നു പേർ പിടിയിലായി. നാട്ടുകാരായ മൂന്നു യുവാക്കളാണ് പിടിയിലായിരിക്കുന്നത്.

ഈസ്റ്ററിന് വാങ്ങിയ പടക്കം സ്വന്തം വീടിനു മുന്നിൽ വച്ച് പൊട്ടിച്ചെന്നായിരുന്നു യുവാക്കളുടെ മൊഴി.

എന്നാൽ സംഭവമറിഞ്ഞ് പൊലീസ് സ്ഥലത്തെത്തിയപ്പോൾ യുവാക്കൾ പേടിച്ച് മിണ്ടാതിരിക്കുകയായിരുന്നു. അലക്ഷ‍്യമായി പടക്കം പൊട്ടിച്ചതിന് ഇവർക്കെതിരേ കേസെടുത്ത് വിട്ടയച്ചേക്കുമെന്നാണ് വിവരം.