തിരുവനന്തപുരം: സ്പീക്കർ എ.എൻ. ഷംസീറിന്റെ പരാതിയിൽ വന്ദേഭാരത് ടിടിഇക്കെതിരേ നടപടി. മേശമായി പെരുമാറിയെന്ന പരാതിയിലാണ് നടപടി. പരാതിയെ തുടർന്ന് ചീഫ് ടിടിഇ പത്മകുമാറിനെയാണ് വന്ദേഭാരതിൽ നിന്നും ഒഴിവാക്കിയത്. ജൂലൈ 31 ന് എറണാകുളത്തു വച്ചായിരുന്നു സംഭവം.
എക്സിക്യൂട്ടിവ് ചെയർകാറിലായിരുന്നു സ്പീക്കറുടെ യാത്ര. അതിനിടെ, ചെയർകാർ ടിക്കറ്റെടുത്ത സുഹൃത്ത് സ്പീക്കറോട് സംസാരിക്കാൻ എത്തിയപ്പോഴാണ് തർക്കമുണ്ടായത്. താൻ സ്പീക്കറാണെന്ന് പറഞ്ഞിട്ടും മോശമായി പെരുമാറിയെന്നാണ് പരാതിയിൽ പറയുന്നത്. പരാതിയിൽ നടപടിയെടുത്തതായി റെയിൽവേ സ്പീക്കറെ അറിയിച്ചു.