ഹോം നഴ്സിനെ വയ്ക്കുമ്പോൾ സൂക്ഷിച്ചോളു: കുറിച്ചിയിൽ വയോധികൻ രക്ഷപെട്ടത് ഭാഗ്യത്തിന്; പ്രതി അറസ്റ്റിൽ 
Kerala

ഹോം നഴ്സിനെ വയ്ക്കുമ്പോൾ സൂക്ഷിച്ചോളു: കുറിച്ചിയിൽ വയോധികൻ രക്ഷപെട്ടത് ഭാഗ്യത്തിന്; പ്രതി അറസ്റ്റിൽ

ആലപ്പുഴ മുളക്കുഴ പാലയ്ക്കാമല സ്വദേശി പി.ജി സുഭാഷ് ചന്ദ്രൻ (45) എന്നയാളെയാണ് ചിങ്ങവനം പൊലീസ് അറസ്റ്റ് ചെയ്തത്

കോട്ടയം: വയോധികനെ ആക്രമിച്ചു കൊലപ്പെടുത്താൻ ശ്രമിച്ച കേസിൽ ഹോം നഴ്സ് അറസ്റ്റിൽ. ആലപ്പുഴ മുളക്കുഴ പാലയ്ക്കാമല സ്വദേശി പി.ജി സുഭാഷ് ചന്ദ്രൻ (45) എന്നയാളെയാണ് ചിങ്ങവനം പൊലീസ് അറസ്റ്റ് ചെയ്തത്. കുറിച്ചി സ്വദേശിയായ രോഗിയായ വയോധികനെ പരിചരിക്കാനായെത്തിയ ഇയാൾ വയോധികനെ ചീത്തവിളിക്കുകയും കഴുത്ത് പിടിച്ച് തിരിച്ചും മറ്റും ക്രൂരമായി ആക്രമിക്കുകയുമായിരുന്നു.

പരാതിയെ തുടർന്ന് ചിങ്ങവനം പൊലീസ് കേസ് രജിസ്റ്റർ ചെയ്യുകയും ജില്ലാ പൊലീസ് മേധാവി എ ഷാഹുല്‍ ഹമീദിന്‍റെ നേതൃത്വത്തിലുള്ള അന്വേഷണ സംഘം ഇയാളെ അറസ്റ്റ് ചെയ്യുകയുമായിരുന്നു. ഇയാൾക്കെതിരെ കൊലപാതക ശ്രമത്തിന് കേസ് രജിസ്റ്റർ ചെയ്യുകയും ചെയ്തു. ഇയാൾക്ക് ചിങ്ങവനം സ്റ്റേഷനിൽ ക്രിമിനൽ കേസ് നിലവിലുണ്ട്. ചിങ്ങവനം സ്റ്റേഷൻ എസ്എച്ച്ഓ അനിൽകുമാർ, എസ്.ഐ മാരായ അജ്മൽ ഹുസൈൻ, ഷിബു, സിപിഓ മാരായ വിനോദ് മാർക്കോസ്, റിങ്കു, സഞ്ജിത്ത് എന്നിവരും അന്വേഷണ സംഘത്തില്‍ ഉണ്ടായിരുന്നു. ഇയാളെ കോടതിയിൽ ഹാജരാക്കി.

ബാസ്ബോൾ ഫലിച്ചില്ല; ഇംഗ്ലണ്ടിനെ 387ൽ ഒതുക്കി ബുംറയും സംഘവും

ആക്ഷൻ രംഗം ചിത്രീകരിക്കുന്നതിനിടെ അപകടം; നടൻ സാഗർ സൂര‍്യയ്ക്ക് പരുക്ക്

13 വർഷം വാർഷിക അവധിയില്ലാതെ ജോലി ചെയ്തു; ജീവനക്കാരന് 14 ലക്ഷം നഷ്ടപരിഹാരം നൽകാൻ അബുദാബി കോടതി വിധി

ലോണിന്‍റെ പേരിൽ തർക്കം; ഭാര്യയുടെ മൂക്ക് കടിച്ചു പറിച്ച് യുവാവ്

4 ജനറൽ സെക്രട്ടറിമാർ; ബിജെപി സംസ്ഥാന ഭാരവാഹികളെ പ്രഖ‍്യാപിച്ചു