കൊച്ചി: കൊച്ചിയിൽ അനുഭവപ്പെടുന്ന കുടിവെള്ള ക്ഷാമം ഗൗരവമായ ഒരു വിഷയമാണെന്ന് ഹൈക്കോടതി. ശുദ്ധജല ക്ഷാമത്തെക്കുറിച്ച് ജനങ്ങൾക്ക് പരാതിയുണ്ട്. ഈ വിഷയം ഗൗരവത്തിലെടുത്ത് പരിഹാരം കാണണമെന്നും ജല അതോറിറ്റിയോട് കോടതി നിർദ്ദേശിച്ചു. മറ്റന്നാൾ ഹർജി വീണ്ടും പരിഗണിക്കും.

പശ്ചിമ കൊച്ചിയിലടക്കം കൊച്ചിയിലെ വിവിധ മേഖലകളിൽ കുടിവെള്ളക്ഷാമം രൂക്ഷമായ സാഹചര്യമാണ് നിലനിൽക്കുന്നത്. ജലക്ഷാമത്തെക്കുറിച്ച് പരാതിയുമായ് നെട്ടൂർ മേഖലയിലെ കുടിവെള്ളക്ഷാമം അനുഭവപ്പെടുന്ന ചില കുടുംബങ്ങളാണ് കോടതിയെ സമീപിച്ചത്. ഹർജി പ്രാഥമികമായി പരിഗണിച്ചുകൊണ്ടാണ് കോടതിയുടെ ഇടപെടൽ.