തിരുവനന്തപുരം:കേരള കാർഷിക സർവകലാശാല വിദ്യാർത്ഥി യൂണിയൻ തെരഞ്ഞെടുപ്പിൽ മുഴുവൻ സീറ്റിലും എസ്എഫ്ഐ. മത്സര രംഗത്തുണ്ടായിരുന്ന കെഎസ് യു.എഐഎസ് എഫ് എന്നീ സംഘടനകൾക്കെതിരെ 5 സീറ്റുകളിലും വലിയ ഭൂരിപക്ഷത്തിലാണ് എസ്എഫ്ഐ വിജയിച്ചത്. അശ്വിൻ കൃഷ്ണ- യൂണിയൻ പ്രസിഡന്റ് (അമ്പലവയൽ കാർഷിക കോളെജ് ),അമൃത്യ രാജ് - ജനറൽ സെക്രട്ടറി( പടനക്കാട് കാർഷിക കോളെജ് ), വൈസ് പ്രസിഡന്റുമാർ - നസ്രിൻ സത്താർ (വെള്ളായിനി കാർഷിക കോളെജ് ), ദിയ ( കോളെജ് ഓഫ് കോ-ഓപ്പറേഷൻ ബാങ്കിംഗ് ആൻഡ് മാനേജ്മെന്റ് വെള്ളാനിക്കര), എസ്.എഫ്. നന്ദന - സെക്രട്ടറി (റീജിയണൽ അഗ്രികൾച്ചറൽ റിസർച്ച് സ്റ്റേഷൻ, കുമരകം) എന്നിവരാണ് വിജയിച്ചത്.
എസ്എഫ്ഐക്ക് വോട്ട് ചെയ്ത മുഴുവൻ വിദ്യാർഥികളെയും അഭിവാദ്യം ചെയ്യുന്നതായി എസ്എഫ്ഐ സംസ്ഥാന പ്രസിഡന്റ് കെ. അനുശ്രീ ,സെക്രട്ടറി പി.എം. ആർഷോ എന്നിവർ പ്രസ്താവനയിലൂടെ അറിയിച്ചു.